C M F Evan. Thang Sian Mung ( Home Mission - Kuala Lumpur )

BIOGRAPHYCAL

OF

Evan.Thang Sian Mung

Back ground:

Pa Khup Lian lehNu Luun Za Ning te tanu 5 leh tapasal 5 lah ah a lina kahi a , Tedim Gam Kapteel (Teeltui) khua ah 19.8.1957 kum in kasuak hi. Tapidaw innkuan sung pan ka  hihmah bang in Sunday School pan kakhang khia hi.

Conversation Commitment:

20.12.1975 kum in ka piangthak a, 26.4.1976 in Tui kaki phum hi.1977 kum in Tuiphum pawlpi sung ah khangno Chairman ka sem a, October kha in piangthak ka hihman in Tuiphum pawlpua ah hong ki koih hi. 1980 pan 1982 kum sung Vice Chairman ka semhi. 1992 kum ciang in ka innkuan un piangthak ka hih man un,Tuiphum pawlpi pan hong kihawlkhia a, AG pawlpi sung ah ka lut uhhi.AG pawlpi ah kum 3 sung khangno makai ka sem a, kum 10 sung MM sung ah kasem hi.2001 kum in Tedim Mission sumpi ding in sumbawm ah ka kikhia hi.

Ministry:

2002 kum in TCM tawh khut kilen in AG pawlpi Tuitawh ah Mission in ka om a, Pasian in kasep sung in AG pawlpi biakinn kinei in Biakinn honpawi ki bawl hi.2003 kum in Kaptel khuasung teng sang, zato te siansuahna ka neihi. 2004 January 6 ni a kipan  ka innkuan un Tedim, Tonzang leh Cikha gam sung a om khua 100 ah Dollor hawm in ka pai kawikawi uhhi.

Pasian hopihna ombang in 2005  kum in Yangon ah  Pasian na semding in ka kituah uh hi.

Topa hopihna bang in kawlgam muntuamtuam a hi, Mukoh, Bawlongkyi, Moogaung, Phakan, Mawmawlyan, Phayataung, Saitaung, Longkhin, Taamakhan, Nagah taung, Nansibong, Makyankhah, Khandi, Hongmalin, Kalay O, Mongyua, Sagaing, Mandalay, Yangon, Pyinmana, Nipyidaw, Taungkyi, Shwe Ngiaung, Aye Taryer, Kandaung, Aungtaphi, Heho, Maishow, Lashio, Namatu, Bawdwin, Pagu Kalay  khua (34) ah Pasian thugen in ka vak kawikawi thei uhhi.

Pasian hopihna leh makaihna ombang in 26 October 2012 kum in Malaysia ka tung thei uh a, 2013 kum ciang in C M F ah Town Evangelist pan munla in hunbit in Pasian na kasem thei a, 17.8.2014 ni-in pawlpi vaihawm siamna tawh ZCMC leh Rev.Dr, Ngul Khan Pau tawh License hong pia hi. Topa nasepna sung ah hong kalsuanpih Topa minthang ta hen.

Family:

20 February 1982 kum Rev. Son Go in kalawm Huai Ngaih Man tawh   siangtho kiteenna hong pia hi. Pasian hong piak ka ta te:

1.      Nu  Ning Sian Lun

2.      Nu Gin Suan Cing

3.      Lia Don Ngaih Sian

4.      Tg.Lian Lam Tuang

5.      Lia Do Sian Hoih

6.      Lia Pau Nuam

Family Motto:

  
“ Kei leh ka innkuanpih te in Topa na kasem ding uh hi.” Joshua 24:15